Concept of retirement planning. Pension savings and elderly finance health safety.
സര്‍ക്കാര്‍ ജീവനക്കാര്‍ക്ക് ഉറപ്പായ പെന്‍ഷന്‍, കുടുംബ പെന്‍ഷന്‍, മിനിമം പെന്‍ഷന്‍ എന്നിവ ലഭിക്കുന്ന ഏകീകൃത പെന്‍ഷന്‍ സ്‌കീം (യുപിഎസ്) എന്ന പുതിയ പെന്‍ഷന്‍ പദ്ധതി കേന്ദ്രം ശനിയാഴ്ച പ്രഖ്യാപിച്ചു. 2025 ഏപ്രില്‍ 1 മുതല്‍ പുതിയ പെന്‍ഷന്‍ പദ്ധതി നിലവില്‍ വരും.
ഇന്ന് കേന്ദ്ര മന്ത്രിസഭ അംഗീകരിച്ച പദ്ധതി പ്രകാരം കുറഞ്ഞത് 25 വര്‍ഷത്തെ സര്‍വീസ് പൂര്‍ത്തിയാക്കിയ ജീവനക്കാരന് കഴിഞ്ഞ 12 മാസത്തെ ശരാശരി അടിസ്ഥാന ശമ്പളത്തിന്റെ 50 ശതമാനം പെന്‍ഷന്‍ ഉറപ്പ് നല്‍കുന്നു. സര്‍വീസ് കുറവുള്ളവര്‍ക്ക് പെന്‍ഷന്‍ ആനുപാതികമായിരിക്കും.ജീവനക്കാരുടെ മരണത്തിന് തൊട്ടുമുമ്പുള്ള പെന്‍ഷന്റെ 60 ശതമാനം കുടുംബ പെന്‍ഷനും പദ്ധതി ഉറപ്പാക്കുന്നു.
കുറഞ്ഞത് 10 വര്‍ഷത്തെ സേവനത്തിന് ശേഷം സൂപ്പര്‍ആനുവേഷനില്‍ പ്രതിമാസം 10,000 രൂപ ഉറപ്പുനല്‍കുന്ന മിനിമം പെന്‍ഷന്‍ പദ്ധതി ഉറപ്പുനല്‍കുന്നു.23 ലക്ഷം കേന്ദ്രസര്‍ക്കാര്‍ ജീവനക്കാര്‍ക്ക് യുപിഎസ് പ്രയോജനപ്പെടുമെന്ന് റെയില്‍വേ മന്ത്രി അശ്വിനി വൈഷ്ണവ് പറഞ്ഞു.
‘ഇന്ന്, ഉറപ്പായ പെന്‍ഷന്‍ നല്‍കുന്ന സര്‍ക്കാര്‍ ജീവനക്കാര്‍ക്കുള്ള യുപിഎസ് കേന്ദ്രമന്ത്രിസഭ അംഗീകരിച്ചു. 50 ശതമാനം ഉറപ്പുള്ള പെന്‍ഷനാണ് പദ്ധതിയുടെ ആദ്യ പ്രത്യേകത, രണ്ടാമത്തേത് ഉറപ്പായ കുടുംബ പെന്‍ഷനായിരിക്കും,’ അദ്ദേഹം പറഞ്ഞു.ദേശീയ പെന്‍ഷന്‍ സംവിധാനവും (എന്‍പിഎസ്) യുപിഎസും തിരഞ്ഞെടുക്കുന്നതിന് ജീവനക്കാര്‍ക്ക് ഒരു ഓപ്ഷന്‍ ഉണ്ടായിരിക്കുമെന്നും അദ്ദേഹം കൂട്ടിച്ചേര്‍ത്തു.
സ്‌കീമിന് കീഴില്‍, പൂര്‍ത്തിയാക്കിയ ഓരോ ആറ് മാസത്തെ സേവനത്തിനും സൂപ്പര്‍ആനുവേഷന്‍ തീയതിയില്‍, ഗ്രാറ്റുവിറ്റിക്ക് പുറമേ സൂപ്പര്‍അനുവേഷനില്‍ ഒരു ലംപ്-സം പേയ്മെന്റും പ്രതിമാസ വേതനത്തിന്റെ പത്തിലൊന്ന് (പേ + ഡിഎ) ഉണ്ടായിരിക്കും. ഈ പേയ്മെന്റ് ജീവനക്കാര്‍ക്ക് ഉറപ്പായ പെന്‍ഷന്റെ അളവ് കുറയ്ക്കില്ല.
പഴയ പെന്‍ഷന്‍ പദ്ധതി (ഒപിഎസ്) നടപ്പാക്കണമെന്ന് ആവശ്യപ്പെട്ട് ബിജെപി ഭരിക്കുന്ന സംസ്ഥാനങ്ങളില്‍ പ്രതിഷേധമുയര്‍ന്നെങ്കിലും ജീവനക്കാര്‍ക്കായി ഉടന്‍ പദ്ധതി നടപ്പാക്കാന്‍ സാധ്യതയില്ലെന്ന് കേന്ദ്രസര്‍ക്കാര്‍ നേരത്തെ വ്യക്തമാക്കിയിരുന്നു.
ശമ്പള കമ്മീഷന്‍ ശുപാര്‍ശകളെ അടിസ്ഥാനമാക്കിയുള്ള ക്രമീകരണങ്ങളോടെ, ആജീവനാന്ത പെന്‍ഷനായി, അവസാന ശമ്പളത്തിന്റെ പകുതി ഉറപ്പ് നല്‍കുന്ന ഒരു ആനുകൂല്യ പദ്ധതിയാണ് ഒപിഎസ്.
ഇതിനു വിപരീതമായി, സര്‍ക്കാര്‍ ജീവനക്കാര്‍ അവരുടെ അടിസ്ഥാന ശമ്പളത്തിന്റെ 10% സംഭാവന ചെയ്യുന്ന നിര്‍വചിക്കപ്പെട്ട സംഭാവനാ പദ്ധതിയാണ് പുതിയ പെന്‍ഷന്‍ പദ്ധതി.
