മുംബൈ വസായിയില്‍ യുവാവ് പെണ്‍കുട്ടിയെ നടുറോഡില്‍ അടിച്ചുകൊന്നു. പ്രണയത്തില്‍ നിന്ന് പിന്‍മാറിയതാണ് കൊലപാതക കാരണം. സ്പാനര്‍ ഉപയോഗിച്ചാണ് കൊലപ്പെടുത്തിയത്. പ്രതി രോഹിത് യാദവ് അറസ്റ്റില്‍. 20 വയസുകാരി ആരതി യാദവാണ് മരിച്ചത്.
നടുറോഡില്‍ ആള്‍ക്കൂട്ടത്തിനിടയില്‍ വച്ചാണ് 29-കാരനായ രോഹിത് പെണ്‍കുട്ടിയെ ക്രൂരമായി അടിച്ച് കൊലപ്പെടുത്തിയത്. വലിയ സ്പാനര്‍ കയ്യില്‍ കരുതിയ പ്രതി ‘എന്നോട് എന്തിനിങ്ങനെ ചെയ്തു’ എന്ന് ചോദിച്ചുകൊണ്ട് നെഞ്ചിലും തലയക്കും സ്പാനര്‍ ഉപോയിഗച്ച് അടിക്കുന്നത് ദൃശ്യങ്ങളില്‍ വ്യക്തമാണ്.
ആക്രമണത്തിന് പിന്നാലെ പെണ്‍കുട്ടി മരിച്ചെന്നാണ് വിഡിയോയില്‍ നിന്ന് വ്യക്തമാകുന്നത്. ചോരയില്‍ കുളിച്ച് അനങ്ങാതെ കിടക്കുന്ന പെണ്‍കുട്ടിയുടെ നെഞ്ചില്‍ വീണ്ടും അടിച്ച് അരിശം തീര്‍ക്കുന്നതടക്കമുള്ളവ ദൃശ്യങ്ങളില്‍ വ്യക്തമാണ്.
ക്രൂരമായ ആക്രമണം നടക്കുന്‌പോള്‍, ചുറ്റും കൂടിയവരും വാഹനത്തില്‍ യാത്രചെയ്യുന്നവരുമായി ഒരാള്‍ പോലും അത് തടയാന്‍ മുന്നോട്ടുവന്നില്ല. പലരും കാഴ്ചക്കാരായപ്പോള്‍ മറ്റു ചിലര്‍ വിഡിയോ പകര്‍ത്തുന്നതിന്റെ തിരക്കിലായിരുന്നു.
