കൊല്‍ക്കത്ത ആക്രോപോളിസ് മാളില്‍ വന്‍ തീപിടിത്തം. നിരവധി പേര്‍ കുടുങ്ങിക്കിടക്കുന്നതായി സൂചന ലഭിച്ചു. മാളിലെ അഞ്ചാം നിലയില്‍ നിന്നാണ് പുക പടര്‍ന്നത്. ഒരു ഫുഡ് കോര്‍ട്ടില്‍ നിന്നാണ് തീപിടിത്തം ഉണ്ടായതായി റിപ്പോര്‍ട്ട്. പുക മറ്റു നിലകളിലേക്ക് പടര്‍ന്നു. നാല് ഫയര്‍എഞ്ചിനുകള്‍ ഉപയോഗിച്ച് തീ അണയ്ക്കാന്‍ ശ്രമിച്ചിരുന്നു. എന്നാല്‍ തീ മറ്റ് നിലകളിലേക്ക് പടര്‍ന്നു. തുടര്‍ന്ന് കൂടുതല്‍ ഫയര്‍എഞ്ചിനുകള്‍ എത്തിച്ച് തീ അണക്കാനുള്ള ശ്രമം നടക്കുകയാണ്. മാളില്‍ കുടുങ്ങിയവരെ രക്ഷിക്കാനുള്ള ശ്രമവും പുരോഗമിക്കുകയാണ്. ആളാപായം ഇതുവരെ റിപ്പോര്‍ട്ട് ചെയ്തിട്ടില്ല.
