കിയവ്: റഷ്യന്‍ സൈന്യത്തിന്റെ സുപ്രധാന ഇന്ധന സംഭരണ കേന്ദ്രം തകര്‍ത്ത് യുക്രെയിന്‍. റഷ്യയുടെ അധീനതയിലുള്ള ക്രിമിയ പെനിന്‍സുലയുടെ തെക്കന്‍ തീരത്തുള്ള ഫിയോഡോസിയയിലെ ഇന്ധന സംഭരണിയാണ് തകര്‍ത്തതെന്ന് യുക്രെയിന്‍ ജനറല്‍ സ്റ്റാഫ് അറിയിച്ചു. റഷ്യയുടെ സൈനിക, സാമ്പത്തിക ശക്തി ദുര്‍ബലപ്പെടുത്തുക എന്ന ലക്ഷ്യമിട്ടായിരുന്നു ആക്രമണം. കഴിഞ്ഞ രാത്രി 2 ഡസനോളം ഡ്രോണുകള്‍ വെടിവെച്ചിട്ടതായി റഷ്യന്‍ പ്രതിരോധ മന്ത്രാലയം പറഞ്ഞു.
അതേസമയം, കിയവ് ലക്ഷ്യമിട്ട് കഴിഞ്ഞ രാത്രി ആറ് മിസൈലുകളും 74 ഷാഹിദ് ഡ്രോണുകളും റഷ്യ വിക്ഷേപിച്ചതായി യുക്രെയിന്‍ വ്യോമസേന അറിയിച്ചു. ഡ്രോണ്‍ മാലിന്യം പതിച്ച് കിയവിലെ മൂന്ന് ജില്ലകളില്‍ കെട്ടിടങ്ങള്‍ക്ക് തീപിടിച്ചു. മൂന്ന് മിസൈലുകളുടെ മാലിന്യം നഴ്‌സറി വിദ്യാലയത്തില്‍ വീണതായും മേയര്‍ വിറ്റാലി ക്ലിറ്റ്ഷ്‌കോ പറഞ്ഞു.
